100 kilogramë kokainë janë sekuestruar në Norvegji dhe gjashtë shqiptarë kanë rënë në pranga.
Kjo cilësohet si sasia më e madhe e kokainës e sekuestruar ndonjëherë në Norvegjinë Perëndimore.
Sipas medias së huaj, anija e mallrave “Nordloire” lundroi nga Vila do Conde në Brazil për në Husnes në Kvinnherad të Norvegjisë.
Sipas hetimeve, sasia e drogës ishte e ngjitur poshtë vijës ujore të anijes.
Agjencia doganore e quajti një metodë të njohur të fshehjes së drogës nga grupet kriminale.
Shqiptarët u arrestuan të enjten nga policia e Husnes. Ndërsa të premten u është caktuar masa e paraburgimit prej katër javësh.
Të gjithë akuzohen për vepra të rënda të trafikimit të drogës.
Ata nuk kanë asnjë lidhje me vetë anijen, sipas Autoritetit Doganor Norvegjez, ndërsa disa nga të burgosurit janë deklaruar të pafajshëm.
j.l./ dita
