Një sasi e madhe bimësh kanabisi janë sekuestruar gjatë një operacioni anti-drogë në Vlorë. Mësohet se operacioni është zhvilluar në fshatin Bishan të Vlorës, ku në një tokë bujqësore janë gjetur plot 4900 rrënjë kanabisi në proces tharjeje.
Aksioni është ndërmarrë nga Forcat e Ndërhyrjes së Shpejtë dhe Policia e Vlorës duke vënë në pranga autorin e dyshuar i cili mund të ketë mbjellë lëndën narkotike S.LL. Po ashtu në polici është shoqëruar edhe pronari i tokës, i cili ka thënë se tokën e kishte dhënë me qira. Policia ka arritur të sekuestrojë edhe dy armë zjarri, ndërsa kanabisi është asgjësuar përmes djegies.
p.c. /dita
