Në këtë fundjavë në kampionatin italian të futbollit spikatën në mënyrë të veçantë dy futbollistë shqiptarë. Bëhet fjalë për kapitenin e Kombëtares së Shqipërisë, Berat Gjimshiti që aktualisht është në pjesë e Atalantës dhe portierin e kombëtares së Kosoves Muric që është në radhët e Sassuolos.
Këta dy futbollistë në përfundim të sfidave të këtij raundi të kampionatit italian janë përfshirë në formacionin e javës të përpiluar nga portali i specializuar i statistikave, ‘Sofascore’.
Berat Gjimshiti bëri një paraqitje mjaft të mirë në sfidën kundër Veronës dhe Sofascore e vlerësoi me notën 8, ndërsa Muric, është portieri në formacionin e kësaj jave. Gardiani dardan ishte protagonist absolut në barazimin e Sassuolos ndaj Juventusit teksa bëri 7 pritje të rëndësishme, ku ajo që pati thuajse vlerën e një 3 pikëshi ishte pritja e penalltisë së Locatellit madje Muric u shpall edhe si Lojtari më i mirë i ndeshjes teksa u vlerësua edhe me notën 8.7.
j.l./ dita
