Ekipi spanjoll i Sevilla duket se shndërrohet në bhë ‘bishë’ të vërtetë kur luan në Europa League, kompeticioni i saj i preferuar. Edhe pse po humbte ndeshjen 2-0 në Manchester ndaj United, ai “Don” që shoqëron skuadrën e ndihmoi që të përmbyste disavantazhin në 2-2 fraksionin e fundit, madje barazimi erdhi nga një autogol në minuten e 92.
Vendasit shënuan dy gola me Sabitzer në minutën e 15’ dhe të 20’, duke e mbyllur fraksionin e parë në avantazh. Megjithatë autogoli i Malacia në minutën e 85’ dhe më pas autogoli i Maguire në minutën e 90+3’ u dhuroi barazimin spanjollëve, me kualifikimin që do të vendoset në Spanjë.
Juventus-Sporting u mbyll me rezultatin 1-0, me sfidën që rezultoi të ishte shumë e luftuar nga të dyja anët. Ky takim u vulos në minutën e 73’ me Gatti që u dhuroi fitoren italianëve. Ndërkohë kjo sfidë pati një të papritur pasi Szczensy pati një shqetësim në zemër dhe la ndeshjen, megjithatë pas vizitave të para rezultoi se nuk kishte gjë shqetësuese, megjithatë të premten do t’i nënshtrohet kontrolleve me të specializuara.
Bayer Leverkusen-Royale Union u mbyll me barazimin 1-1. Të parët që gjetën rrjetën ishin miqtë, duke realizuar në minutën e 51’, ndërsa vetëm në minutën e 82’ Wirtz gjeti barazimin për gjermanët.
