Rasti i një aktoreje që akuzon një gazetar të njohur për avanca seksuale të viteve më parë është i dyti brenda pak ditësh.
Një denoncim para dy javësh përfshiu sërish dy njerëz publik, por buja që pati ky denoncim ishte më e vogël.
Alda Butka Aliçka shpërndau një postim në media, pas skandalit në të ashtuquajturin Pallati Mbretëror mes Leka Zogut dhe bashkëshortes së tij në proces divorci.
Butka, me profesion juriste është mbesa e historianit Uran Butka.
Në postimin e saj ajo nuk përmend emër, por duke patur parasysh rrethanat e ngjarjeve mes nipit të Zogut dhe aktores Zaharia në proces divorci, duket se bëhet fjalë për Gjergj Zaharinë.
Ky i fundit është ish-pedagog dhe drejtues arsimor i njohur.
Denoncimi bën fjalë për kohën kur zonja në fjalë ka qenë 35 vjeç dhe e sapo divorcuar.
Zonja Bukta shkruante në datën 12 mars:
“Kur vajza ime ishte ne gjimnaz, shkova nje dite ne takim me prinder. Po dilja e gezuar.
Sapo hapa deren e makines, me afrohet drejtori i shkolles:
– A me con pak te Drejtoria Arsimore?
– Posi jo!-u tregova e gatshme une.
Rruges, dy shalet e gjata e të drejtorit, nisën m’u afruan aq shume, sa mezi i kontrolloja gazin e frenat.
Kur hapi deren per te dale, mora fryme e lehtesuar.
Nuk ishte e thene..
– Pime nje kafe ketu, se nuk kam pire gjithe diten?!-tha drejtori kembegjate.
– Ok- i thashe sa per miresjellje.
U ulem tek Pallati i Kultures, jashte.
Sapo erdhi porosia e u mata te ve filxhanin ne buze, ” faaap” shala e gjate e drejtorit, me ciku gjurin.
U shtyva me gjithe karrike. Nderkohe drejtori, levdonte gjyshin tim, xhaxhallaret, kusherinjte, vellain tim.
Meqe ishim “tanet”, cdo levdate, e shoqeronte me nga nje te zgjatur kembe drejt kofsheve te mia. Ai zgjatu e afrohu, une shtyu me gjithe karrike.
Qe te mos thoshit ju “Ke dashte vete”, meqe isha vetem 35 vjec, meqe sapo isha divorcuar dhe meqe mund te merziteshin te gjithe burrat e famshem te fisit tim nga pergojimet, nuk denoncova.
Mendo nen c’presion mund te vinte ai drejtor nje adoleshente, nxenesen e tij, kur mua dhe sot, nuk me del e keqja e atyre veprimeve…”
n.s. – dita
