Çmimet e naftës shënuan rënie në tregjet aziatike të hënën, pasi Pakistani, që ka ndërmjetësuar bisedimet për përfundimin e konfliktit mes Shteteve të Bashkuara dhe Iranit, njoftoi arritjen e një marrëveshjeje kuadër që, sipas presidentit amerikan Donald Trump, do të mundësojë rihapjen e Ngushticës së Hormuzit.
Nafta e papërpunuar Brent, standardi global i referencës, ra me 4.8%, duke zbritur në 83.18 dollarë për fuçi, ndërsa nafta amerikane humbi 5.6% të vlerës, duke u tregtuar me 80.13 dollarë për fuçi.
Kryeministri i Pakistanit, Shehbaz Sharif, deklaroi se ceremonia zyrtare e nënshkrimit të marrëveshjes do të mbahet më 19 qershor në Zvicër.
Ndërkohë, zëvendësministri i Jashtëm i Iranit, Kazem Gharibabadi, konfirmoi në televizionin shtetëror iranian se marrëveshja me SHBA-në është finalizuar. Nga ana tjetër, presidenti Donald Trump reagoi në rrjetet sociale me mesazhin: “Lëreni naftën të rrjedhë!”
j.l./ dita
