Sekretari amerikan i Shtetit, Marco Rubio, ka zbutur tonet me Bashkimin Europian.
Teksa ka nisur një tur europian, ndalesën e parë Rubio e bëri në Bratislavë ku, në konferencën e dhënë së bashku me kryeministrin sllovak, Robert Fico, tha se SHBA nuk dëshiron që Europa të jetë e varur nga Shtetet e Bashkuara.
“Ne nuk po i kërkojmë Europës të jetë vasal i Shteteve të Bashkuara. Ne duam të jemi partneri juaj. Sa më të fortë të jeni, si në baza individuale në aspektin e vendeve, ashtu edhe kolektivisht si aleancë, sa më të fortë të jenë anëtarët e NATO-s, aq më e fortë është NATO”, tha Rubio.
Njëherësh, Rubio garantoi se Shtetet e Bashkuara të Amerikës nuk do ta braktisin NATO-n. Sipas raporteve të mediave ndërkombëtare, Shtetet e Bashkuara kanë vendosur tashmë t’ua lëshojnë dy poste kryesore komanduese të NATO-s përfaqësuesve evropianë: selinë në Napoli të Italisë dhe atë në Norfolk të Virxhinias, SHBA.
Ditën e hënë, sekretari Rubio do të takohet me kryeministrin Viktor Orban, një aleat i afërt i presidentit Donald Trump.
j.l./ dita
