Një 15-vjeçar ka plagosur me thikë bashkëmoshatarin e tij në shkollë.
Dy adoleshentët janë konfliktuar në shkollën 9-vjeçare “Jashar Hoxha”, në Paskuqan dhe sherri ka degraduar në përdorim të armëve të ftohta.
Policia njofton se autori i ngjarjes është shoqëruar nga uniformat blu, ndërsa i dëmtuari po merr ndihmë mjekësore.
Njoftimi i policisë:
Më datë 30.03.2023, në Paskuqan, në shkollën “Jashar Hoxha”, janë konfliktuar dy nxënës shkolle, dhe gjatë konfliktit një 15-vjeçar, dyshohet se ka goditur me mjet prerës një bashkëmoshatarin e tij, i cili si pasojë është dëmtuar dhe ndodhet nën kujdesin e mjekëve.
Autori i dyshuar është shoqëruar në komisariat për veprime të mëtejshme.
Grupi hetimor po punon për sqarimin e rrethanave të ngjarjes.
p.k\dita
