Sherri i seancës së djeshme në Kuvend transferohet në Komisionin e Ligjeve.
Klotilda Bushka u tha deputetëve të opozitës se do u jepte fjalën vetëm kur ata të kërkonin falje për dhunën.
Në këtë moment ka ndërhyrë Bledion Nallbati, i cili dje goditi me grusht deputetin socialist, por Bushka nuk i dha fjalën dhe mbylli mbledhjen për 5 minuta.
Pjesë nga debati
Klotilda Bushka: “Këtë revanshin e ulërimës, ndërprerjes, gjuhës së urrejtjes përdoreni atje ku ju ecën, jo në Kuvend.
Gazment Bardhi: Përjashtuat 23 deputetë.
Klotilda Bushka: Mendova se do të kërkonit falje për sjelljet e dhunës. Ky është fundi i parlamentarizmit. Mendova se do të kërkonit falje. Do të distancoheshit nga aktet e dhunës.
Nallbati: Më jep fjalën. O ti zonjë më jep fjalën se fole për mua.
Klotilda Bushka: Keni prekur fundin.
p.k\dita
