Autoritetet në Mbretërinë e Bashkuar kanë arrestuar një burrë në Pallatin Buckingham, rezidenca e mbretit Charles III, pasi dyshohet se ka hedhur kapsolla dhe predha fishekësh, teksa ishte i armatosur. Shefi i programimit për ‘GB News’, Ben Briscoe, ka siguruar se është dëgjuar një shpërthim “shumë, shumë i fortë” dhe se e gjithë zona është rrethuar në mënyrë që asgjë të mos hyjë apo të dalë nga Pallati. Policia britanike, në deklaratat e mbledhura nga ‘The Telegraph’, siguron se “nuk ka raportime për të shtëna apo lëndime”. Monarku ishte brenda Pallatit, sipas Ben Briscoe, por nuk ka raportime ende për të lënduar.
Nga informacionet e para bëhet me dije se shpërthimi është kryer nga autoritetet, në mënyrë të kontrolluar dhe mohuan sulmin e finalizuar nga autori. Oficerët arrestuan shpejt një burrë rreth orës 19:00 (2 maj), pasi i dyshuari iu afrua portave të Pallatit Buckingham dhe hodhi një sërë objektesh, që besohet se ishin predha fishekësh dhe kapsolla, sipas policisë. Municionet janë mbledhur dhe të analizohen, teksa sulmi vjen disa ditë para kurorëzimit të mbretit Charles III. Nuk përjashtohet edhe mundësia e një sulmi terrorist.
Burri është arrestuar edhe për posedim të një arme dhe një çantë “të dyshimtë”, siç sqarohet nga autoritetet. Kryeinspektori i Policisë Metropolitane, Joseph McDonald, ka shpjeguar se oficerët u mobilizuan “menjëherë” për të arrestuar individin, i cili tashmë është në paraburgim nga policia. “Policët mbeten në vendngjarje dhe hetimet e mëtejshme janë duke u zhvilluar”, tha ai.
Ngjarja ndodh katër ditë pas kurorëzimit të mbretit Carlos III, ngjarje për të cilën policia dhe shërbimet e sigurisë po përgatiten. Turma të mëdha pritet të mblidhen në rrugët e Londrës dhe të marrin pjesë personalitete të mëdha politike dhe mbretërore nga e gjithë bota. Mbretërit Felipe VI dhe Letizia janë ndër të ftuarit që kanë konfirmuar tashmë pjesëmarrjen e tyre.
