Sot me mbledhjen e dy qeverive dërguam mesazhin e bashkëpunimit, e përkushtimit drejt të ardhmes. Kështu u shpreh kryeministri i Mali të Zi, Dritan Abazoviç në përfundim të mbledhjes së dy qeverive në Podgoricë.
“Sot dërguam mesazhin e bashkëpunimit, të dedikimit të së ardhmes së përbashkët. Jam krenar që kemi vendosur nënshkrimet për projektin e urës në Bunë, që do mundësojë të bëhet një produkt i ri turistik. Synimi ynë është që njerëzit të kenë akses më të lehtë.
Folëm edhe për lundrueshmërinë e Bunës, Rama mori disa hapa për lëvizjen e papenguar në të.
Pra, dëshirojmë të bëjmë cdo gjë, edhe kur bëhet fjalë për punë të brendshme. E shohim perspektivën në raporte të ndërsjella. Jemi të dedikuar drejt BE, duam të japim kontribut. Raportet mes dy qeverive janë shembull për Ballkanin shembull që duhet ta ndjekin edhe vende të tjera në rajon.
Shqipëria e Mali i Zi sot me krenari mund të thonë se marrëdhëniet janë ngritur në nivele më të larta. Gjërat negative t’i lëmë pas vetes e thjesht të shohim drejt të ardhmes’ u shpreh Abazoviç.
