Shqipëria arrin të finalizojë një tjetër marrëveshje në fushën e sigurimeve shoqërore. Kryeministri Edi Rama, nëpërmjet një postimi të bërë në facebook, ka konfirmuar nënshkrimin e marrëveshjes me Bullgarinë për njohjen e sigurimeve shoqërore, duke ju lejuar shtetasve të dy vendeve që të përfitojnë nga skemat përkatëse të mbrojtjes shoqërore.
Kreu i qeverisë shprehet se marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, si dhe garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve.
p.k\dita
