Shqipëria do të përballet të martën e 17 tetorit me Bullgarinë në stadiumin “Air Albania” duke nisur nga ora 18:00. Një sfidë mjaft interesante ku kuqezinjtë e Sylvinhos janë favoritë duke parë momentin jo të mirë të Bullgarisë, por historia “flet” në favor të këtyre të fundit.
Duke nisur që nga viti 1946 kur u zhvillua ndeshja e parë mes Kombëtares sonë dhe bullgarëve e deri në vitin 2007 kur ishte dhe ndeshja e fundit, janë zhvilluar gjithsej 11 ndeshje. 11 ndeshje të cilat nuk janë në favorin tonë përsa i përket statistikave.
Në këto ndeshje të luajtura, 2 janë fitore për Shqipërinë, 4 janë barazimë, teksa 5 herë Bullgaria ka triumfuar ndaj nesh. Ndërsa përsa i përket golavarazhit është një diferencë prej 7 golash me rezultatin 8-15 në favor të Bullgarëve.
NDESHJET SHQIPËRI – BULLGARI PËRGJATË VITEVE
Shqipëri 3-1 Bullgari (9 tetor 1946 / Kupa Ballkanike)
Bullgari 2-0 Shqipëri (15 korrik 1947 / Kupa Ballkanike)
Bullgari 0-0 Shqipëri (17 nëntor 1949 / Miqësore)
Shqipëri 2-1 Bullgari (4 qershor 1950 / Miqësore)
Bullgari 2-1 Shqipëri (19 tetor 1980 / Botëror)
Shqipëri 0-2 Bullgari (14 tetor 1981 / Botëror)
Shqipëri 1-1 Bullgari (6 shtator 1995 / Europian)
Bullgari 3-0 Shqipëri (7 tetor 1995 / Europian)
Bullgari 2-0 Shqipëri (30 prill 2003 / Miqësore)
Bullgari 0-0 Shqipëri (28 mars 2007 / Europian)
Shqipëri 1-1 Bullgari (17 tetor 2007 / Europian)
a.c./dita
