Shqipëria ka mësuar kundërshtarët për edicionin e ri të UEFA Nations League. Kombëtarja kuqezi do të garojë në Ligën C, në Grupin C1, ku do të përballet me Finlandën, Bjellorusinë dhe San Marinon.
Sipas shortit të hedhur nga Bruksel, Shqipëria bën pjesë në një grup me katër skuadra, ku objektivi kryesor mbetet renditja në vendin e parë, që siguron ngjitjen në Ligën B për edicionin e ardhshëm. Përballjet pritet të jenë të balancuara, me Finlandën që konsiderohet rivale direkte për kreun e grupit, ndërsa Bjellorusia dhe San Marino plotësojnë kuadrin e kundërshtarëve.
Ndeshja e parë e fazës së grupeve do të luhet në periudhën 24-26 shtator, ndërsa takimi i dytë është programuar në datat 27-29 shtator. Ndeshja e tretë e grupit do të zhvillohet nga 30 shtatori deri më 3 tetor, sakaq e katërta në periudhën 4-6 tetor. Takimi i pestë i grupit do të luhet nga 12-14 nëntor, ndërsa përballja e fundit është planifikuar në datat 15-17 nëntor. Shqipëria synon që të arrijë rezultate pozitive dhe të ngjitet në Ligën B.
Sipas programit zyrtar, ndeshja e parë e fazës së grupeve do të luhet në periudhën 24-26 shtator, ndërsa takimi i dytë është planifikuar vetëm pak ditë më vonë, në datat 27-29 shtator.
Përballja e tretë e grupit do të zhvillohet nga 30 shtatori deri më 3 tetor, ndërsa ndeshja e katërt do të luhet në intervalin 4-6 tetor. Dy sfidat e fundit të fazës së grupeve janë programuar për muajin nëntor: takimi i pestë nga 12-14 nëntor dhe përballja përmbyllëse nga 15-17 nëntor.
Orari i detajuar i ndeshjeve, si dhe përcaktimi i stadiumeve pritëse dhe transferta, pritet të bëhen publikë në vijim nga UEFA dhe Federata Shqiptare e Futbollit.
Në Ligën C janë shortuar gjithashtu edhe grupet e tjera:
Në Grupin C2 bëjnë pjesë Mali i Zi, Armenia, Qipro dhe fituesi i çiftit Letoni/Gjibraltar.
Në Grupin C3 janë Kazakistani, Sllovakia, Ishujt Faroe dhe Moldavia.
Në Grupin C4 do të përballen Islanda, Bullgaria, Estonia dhe fituesi i çiftit Luksemburg/Malta.
Ndërkohë, Liga D përbëhet nga dy grupe:
Në Grupin D1 janë Gjibraltari ose Letonia, Malta ose Luksemburgu dhe Andorra.
Në Grupin D2 bëjnë pjesë Lituania, Azerbajxhani dhe Lihtenshtejni.
Ndeshjet e Nations League do të zhvillohen sipas kalendarit të përcaktuar nga UEFA, ndërsa datat dhe oraret zyrtare pritet të publikohen në vijim.
j.l./ dita
