Kryeministri Edi Rama thotë se gjermanët duhet ta vizitojnë masivisht Shqipërinë.
“Nëse nuk doni t’i besoni fjalën time besojini “Der Spiegel” që është gati të tregohet e padrejtë me mua, por e përshkruan Shqipërinë si një vend që duhet vizituar qoftë për plazhin si Bora Bora apo Butrintin” – ths Rama në Panairin e Berlinit.
Ai përmendi edhe gazetën tjetër “Bild”, sipas së cilës, Shqipëria është destinacioni më rritjen më të shpejtë të turizmit.
“Unë bie dakord me Bild nuk jemi më perlë e fshehur po shndërrohemi në një fuqi turistike. Shqipëria është një Yll në ngritje. Me një kombinim të përsosur të peizazheve është një nga destinacionet më të nxehta turistike. Presim një të ardhshme më të shndritshme ekonomike” – tha Rama.
Kreu i qeverisë falënderoi organizatorët për ftesën në PANAIR.
“Të kemi këtë vend në ITB Berlin, askush nuk do e imagjinonte. Është përvojë kaq frymëzuese, dua të falënderoj vërtetë ITB që na ka dhënë mundësinë për t’i treguar botës që jemi krejt ndryshe nga stigma e kaq shumë viteve në Gjermani e vende të tjera të botës. Nuk kërkojmë ndere, vetëm lojë të ndershme” – tha ai.
“Shqipëria nuk është kurrë e mërzitshme”-u shpreh Rama.
