Ministri i Drejtësisë Toni Gogu, deklaroi se Amnistia Penale do të zbatohet si një instrument i politikës penale për të adresuar problematikat në sistemin penitenciar dhe për të garantuar mbrojtjen e të drejtave të njeriut. Gjatë një konference për mediat, ai bëri të ditur se projektligji ndodhet aktualisht në Parlament dhe se në ditët në vijim do të nisin diskutimet përkatëse.
Sipas Gogut, qeveria po tregohet e kujdesshme që procesi i amnistisë të jetë në përputhje me prioritetet që lidhen me integrimin e Shqipërisë në Bashkimin Europian. Ministri theksoi gjithashtu se kontrollet në burgje do të vijojnë të forcohen përmes masave të inteligjencës dhe monitorimit, ndërsa në krye të operacionit do të jetë Drejtori i Përgjithshëm i Burgjeve.
“Amnistia Penale është një instrument i politikës sonë penale, e cila u adresua për të adresuar disa problematikë, në radhë të parë për mbrojtjen e të drejtave të njeriut. Do të ndodhë, patjetër. Nga ana tjetër jemi treguar shumë të kujdesshëm që në të gjithë procesin që kemi për anëtarësimin në BE, t’i trajtojmë sipas prioritetin. Amnistia është në Parlament, do të fillojmë që të merremi me amnistinë me vëmendjen që i takon.
Në ditët në vijim do të nisin diskutimet në Parlament. Kontrollet në burgje, në sajë të masave që ne kemi për fuqizimin dhe të inteligjencës. Do të vazhdojmë që të shikojmë që sistemet do të jenë aty. Drejtori i Përgjithshëm i Burgjeve do të jenë në krye të këtij operacioni. Nga amnistia do të përfitojnë personat që vuajnë apo kanë probleme me shëndetin, të moshuarit, etj”, tha Gogu.
j.l./ dita
