Shkalla e dytë e GJKKO ka shtyrë për ditën e nesërme seancën e apelimit të masës së sigurisë për kryebashkiakun e Tiranës, Erion Veliaj.
Burimet bëjnë me dije se Prokuroria e Posaçme dhe dy prokurorët e SPAK Olsi Dado dhe Altin Dumani kanë paraqitur gjatë ditës së sotme prova të reja për të cilët ata kanë kërkuar që të vlerësohen nga ana e gjykatës. Ende nuk dihen se për çfarë provash bëhet fjalë. Edhe avokatët kërkuan kohë të njihen me këto prova.
Ditën e nesërme do të vijojë seanca në orën 12:30 nga ku do t’i jepet fjala edhe kryebashkiakut Veliaj i cili ditën e sotme nuk është shprehur.
Seanca ka nisur këtë të martë në orën 10:00 në Gjykatën e Apelit. Kryebashkiaku kërkon zbutjen e masës së sigurisë, duke argumentuar se nuk ekziston asnjë kriter për mbajtjen e tij në burg.
Avokati i tij, Ermir Beta nuk ka dhënë ende reagim mbi këtë seancë.
