Avokati i ish-kryeministrit Sali Berisha, Genc Gjokutaj tha se seanca e mbajtur këtë të enjte në GJKKO është shtyrë për t’u zhvilluar më 25 nëntor në orën 10.
Avokati tha se seanca u shty pasi Gjykata kishte shkelur afatin 10 ditor nga hedhja e shortit për çështjen dhe regjistrimin e saj në gjykatë, për këtë arsye avokatët e të akuzuarve kanë kërkuar shtyrjen e seancës për shkak të volumit të jashtëzakonshëm të dosjes.
“Gjykimi i sotëm ishte për seancën paraprake. Nga ana e Gjykatës ishte shkelur afati 10 ditor nga dita e shortimit të çështjes dhe regjistrimit në Gjykatë, kështu për shkak të volumit të jashtëzakonshëm të dosjes, seanca u shty për 25 nëntor në orën 10”,-tha avokati Gjokutaj.
Kujtojmë se ish-kryeministri Berisha ndodhet në arrest shtëpie që prej 30 dhjetorit 2023, ai akuzohet për korrupsion pasiv për çështjen “Partizani”.
i.b./dita
