Në gjykatën e Apelit është shtyrë sërish seanca ndaj deputetit të Partisë Demokratike Ervin Salianji lidhur me çështjen Babale.
Salianji e ka cilësuar një proces të montuar politikisht, gjë që sipas tij e vërteton fakti që çdo gjyqtar i marrë me këtë çështje është përjashtuar nga vetingu.
Salianji tha se ka kërkuar përjashtimin e gjyqtares Edlira Petri pasi bashkëshorti i saj Sokol Sadushi është në konflikt interesi lidhur me këtë çështje.
“Gjyqtarja ka shprehur anshmërinë politike në rastin e gjyqit për vulën e PD dhe e ka nxjerrë jashtë radhe dosjen, duke mos lejuar që shorti të caktonte një gjyqtar tjetër. Gjithashtu dihet miqësia e bashkëshortit të saj Sokol Sadushi me ish-ministrin Fatmir Xhafaj”, tha Salinaji.
Salianji u shpall fajtor për veprën penale ‘Kallëzim i rremë’ në lidhje me çështjen “Babale”, ku u dënua nga gjykata e Shkallës së Parë me 1 vit burg.
o.j/dita
