Shumë Barça për Realin. Tekniku ish-lojtar i katalanasve është kthyer në ‘mace të zezë’ të legjendës së pankinës, Karlo Ançeloti, i cili që kur ish numri gjashtë ka marrë timonin e Barcelonës, njeh 4 fitore në 5 takime “El Clasico”. Katalanasit edhe sot në mbrëmje ia bënë jetën ‘ferr’ kryeqytetasve, teksa me një gol nga ish-milanisti Kessie në minutën e 92-të, morën një trepikësh të artë. Si për ironi, rezultati ishte i barabartë me nga një gol për secilën skuadër në pjesën e parë dhe vetëm dy minuta më parë VAR i kishte anuluar një gol Asensios për pozicion të dukshëm jashtë loje në golin e avantazhit 1-2 dhe që u kthye nga një kundërsulm tipik i vendasve në 2-1, duke ngritur në këmbë “Camp Nou” me rreth 100 mijë tifozë.
Tashmë Barcelona e sheh veten 12 pikë para ndaj rivalëve të përjetshëm madrilenë, teksa ‘los blancos’ u mbetet Champions dhe një mundësi për të përmbysur përsëri katalanasit në ndeshjen e kthimit pas dy javësh në Barcelonë, teksa takimi i parë doli 0-1 në favor të djemve të Xavi. Barcelona ndodhet 12-të pikë distancë në 12 takime të mbetura nga kampionati, teksa Reali sheh nga pas për vendin e dytë kushërinjtë e Atletiko Madrid, që njohin një përmirësim të lojës dhe rezultateve javët e fundit. Katalanasve u duhet që të mos humbasin katër takime në ndeshjet e mbetura dhe që Reali t’i fitojë të gjitha e të bëjë mrekullinë me ‘remuntada’.
Në “El Clasico” numër 253 në histori triufon Barcelona. “Blugranat” triumfuan 2-1 në “Camp Nou” përballë rivalit historik, duke hipotekuar titullin kampion, pasi diferenca me “Los Blancos” shkon 12 pikë. Një fitore me përmbysje e të besuarve të Xavi Hernandezit, që pësuan gol që në minutën e 10-të, pasi një devijimi fatkeq të Araujos. Në fundin e pjesës së parë arrin të barzojë një veteran si Sergio Roberto, ndërsa në shtesë, kur të dyja skuadrat po kërkonin me ngulm golin e fitores, Frank Kessie i dha goditjen përfundimtare Realit. Ishte “El Clasico” numër 100 e fituar nga Barcelona, një më pak se Reali, ndërsa 52 të tjera kanë përfunduar pa fitues.
