Kryetarja e Kuvendit Elisa Spiropali u bëri thirrje palëve që të mbrojnë pikëpamjet dhe qëndrimet me etikë parlamentare në respekt të Kuvendit dhe qytetarëve.
Në fjalën e saj që zgjodhi ta adresojë nga foltorja e Kuvendit, ajo pranoi qasjen e shumicës gjatë sesionit për mungesë tolerance dhe atë të pakicës për mungesë vetëkontrolli. Në këtë kontekst ajo bëri thirrje për reflektim të gjitha palëve për një qasje tjetër parlamentare.
“Zgjodha të zbres në podium që të dëshmoj se ndjej që vendi im është mes të barabartëve me njëri tjetrin po kaq të ndryshëm nga njëri tjetri. Kanë mbetur vetëm pak muaj deri në takimin tonë përballë votuesit që na rreshtoi përballë këtyre numrave.
Në ballafaqimin e ardhshëm elektoral secili nga ne do të shkojë me bilancet e veta politike dhe brengat se çfarë duhet të kishim bërë ndryshe. Është e pamundur të ndryshojmë të shkuarën tonë të përbashkët.
Pendesa për gjykime vlen vetëm për të gjetur fort dhe korrigjuar se çfarë mund të bëjmë ndryshe. Reflektimi duhet të jetë i përbashkët që përfshin qortimin për të shkuarën dhe projeksionin e së ardhmes.
Shumica e kësaj salle mund të ishte më tolerante të gjykonte kur ishte pakicë, kurse pakica të ishte më e vetëkontrolluar duhet të ishte më pak luftarake e më shumë. Në këtë fillim sesioni ju bëj thirrje palëve të mbrojmë pikëpamjet e qëndrimet tona me etikë parlamentare duke respektuar institucionin e kuvendit dhe qytetarët që kanë votuar e ndjekur.
Shpesh jemi sjellë si shkak e pasojë të njëri-tjetrin ku mungesa juaj e kontrollit ka sjellë mostolerencën tonë, por rast pas rasti të dyja kanë shkuar vetë. Besoj se një qasje tjetër në ballafaqimin tonë. Ka ardhur dita”, tha Spiropali.
Por ajo theksoi se nuk ka besim që kjo qasje do të ndryshojë për shkak të mendësisë së vjetër dhe u bëri thirrje që të jenë bashkë në realizimin e prioriteteve të kësaj legjislature:
“Nuk besoj se do të ndryshojë madje si në një film skematik që ka humbur ngjyrat e kuptimin me të njëjtët aktorë pa ngjyra të skemës së vjetër do të bëhemi rishtas dëshmitarë e dëshmorë të mendësisë së vjetër që yxhymin mbi kundërshtarin e sheh si armë politike për të asgjësuar armikun. Vetëm të verbrit nuk shohin se kohët kanë ndryshuar dhe Shqipëria ka ndryshuar në krahasime një dekadë më parë.
Ka ndryshuar nevoja për atë çfarë politika duhet të ofrojë. Më pak se çdo gjë ka ndryshuar mendësia e të bërit politikë ka mbetur në llogoret e viteve 90 por pa idealizmin e asaj kohe. Kur gabimet ndodhnin nga padija dhe jo ligësia.
Si kryetare e kuvendit gjykoj një ftesë e lutje për një mundësi më shumë për të qenë bashkë në identifikimin e disa prioriteteve që duhet të realizojmë deri në fund të kësaj legjislature”.
Ajo i bëri thirrje opozitës që të marrë vendin e saj në komisionet parlamentare dhe i garantoi akses të plotë në vendimmarrje.
