Skandali që ka përfshirë futbollin spanjoll javët e fundit, ku në epiqendër është ekipi mitik katalanas i Barcelonës, për çështjen e bujshme “Negreira”, ku dyshohet se drejtuesit e klubit kanë paguar me ryshfete ish-zv/presidentin e Federatës, ka shkaktuar një furtunë të vërtetë. Klubi e mohon, kurse Prokuroria po thellon hetimet. Në këtë debat është përfshirë edhe ish-kapiteni dhe mbrojtësi Gerard Pique, që tregon sesi korruptohen arbitrat në Spanjë.
“Asnjëherë në jetën time nuk e kam takuar zotin Negreira, as djalin e tij. Jam gati të betohem para një gjykate, ose para kujtdo që dëshironi, se Barcelona nuk i ka dhënë kurrë ryshfet gjyqtarëve.
Nëse doni të korruptoni një gjyqtar është shumë e thjeshtë, kontakto me të, takohesh me të në një vend sekret dhe jepi një zarf me para të pista. A nuk është më e lehtë sesa të thuash të kalosh përmes Zëvendës Presidentit të Komitetit të Arbitrave?”, tha Pique ndër të tjera, në një prej programeve televizive sportive, duke iu përgjigjur pyetjeve. Nëse akuzat konfirmohen, atëherë Federata mund t’i heq pikë, gjobisë apo zbresë në kategorinë më poshtë ekipin legjendar, teksa masa të tjera ndëshkuese mund të marrë edhe UEFA, për përjashtim nga sezoni i Champions-it të ardhshëm.
