Prania e problemeve shëndetësore, të tilla siç janë kolesteroli i lartë, rreziku nga goditjet në tru, apo edhe anemia, mund të dallohen edhe nëpërmjet syve.
Vendosja e diagnozës së saktë sa më herët, sipas bluzave të bardha mund të bëjë dallimin vendimtar në parandalimin dhe trajtimin e shumë sëmundjeve.
Kështu, duke njohur disa nga shenjat paralajmëruese që manifestohen nëpërmjet syve, ju ndihmon të kujdeseni për shëndetin tuaj, si dhe të shmangni ndërlikimet e rënda që këto probleme shëndetësore mund të sjellin në organizëm.
Sytë e verdhë
Nëse sklera, pjesa e bardhë e syrit, zverdhet, kjo mund të jetë shenjë e bilirubinës në gjak. Kjo mund të ketë disa shkaqe, gurët në tëmth, infeksion të mëlçisë, apo edhe kancer.
Qepalla e poshtme shumë e lehtë
Nëse qepalla e poshtme, e cila duhet të ketë ngjyrë të kuqe/rozë, ka ngjyrë të çelur, mund të jetë shenjë e anemisë. Anemia, është më e zakonshme tek gratë, mund të shkaktohet nga mungesa e hekurit. Simptomat përfshijnë lodhje, palpitacione, gulçim dhe ndjenjë të fikëti. Anemia akute e mungesës së hekurit mund të shkaktojë kushte të tilla si dështimi i zemrës ose rrahjet e shpejta të zemrës.
Gunga të bardha ose të verdha pranë syve
Gunga të bardha ose të verdha pranë qepallave ose hundës, të quajtura depozita xanthelasma, mund të jenë një shenjë e kolesterolit të lartë. Nivelet e larta të kolesterolit mund të kufizojnë qarkullimin e gjakut në zemër dhe të shkaktojnë kushte të tilla, si: ngushtimi i arterieve (ateroskleroza) atak në zemër, sëmundje arteriale periferike (PAD), ataku ishemik kalimtar (TIA).
Vizioni i dëmtuar
Dëmtimi i shikimit mund të jetë një simptomë e një goditjeje (gjakderdhje në tru ose mungesë e gjakut që shkon në një pjesë të trurit). Kushtojini vëmendje të veçantë “vizionit të dyfishtë”, i cili mund të shkaktohet nga lëvizjet e syve të pa sinkronizuara.
p.k\dita
