Nga muaji qershor deri në korrik 2025 konsumatorët shqiptarë kanë blerë salmon të kontaminuar me bakterin e rrezikshëm “Listeria monocytogenes”.
Ky bakter shkakton infeksion serioz, simptomat e të cilit janë:
– Temperaturë të lartë;
– dhimbje koke;
– marrje mendsh;
– humbje ekuilibri;
– ndërsa te gratë shtatzëna mund të shkaktojë lindje të parakohshme, ose infeksion të rëndë te foshnja.
Burime për Ora News bëjnë me dije se sasia e salmonit të tymosur e importuar në vendin tonë është 1.040 copë dhe është shitur kryesisht në supermarkete.
Ky produkt është importuar nga Serbia dhe është tregtuar në pako prej 50 gramë, 100 gramë, 200 gramë dhe 300 gramë.
Pas njoftimit për prezencën e bakterit “Listeria monocytogenes” në salmon është bërë tërheqja nga tregu e produktit, megjithëse sasia më e madhe e salmonit, e cila ka qenë me datë skadence 6.7.2025- 3.8.2025, është konsumuar nga qytetarët shqiptarë.
Teksa super-marketet njoftojnë qytetarët që të kthejnë produktin nëse nuk e kanë konsumuar ende, priten veprime nga AKU.
Edhe pse e ka detyrim ligjor publikimin e këtij informacioni për konsumatorët AKU nuk ka bërë asnjë njoftim.
Konsumimi i produkteve me kupon tatimor është po aq i rrezikshëm sa konsumimi i atyre pa kupon tatimor.
