Një biznes kriminal është denoncuar sot në emisionin Fiks Fare, ku një çift bashkëshortësh bënin biznes me fëmijën që pritet të vijë në jetë.
Gazetarët kanë provuar se si 27- vjeçari Emre Nuredini dhe bashkëshortja e tij Rexhina kanë nxjerrë në shitje fëmijën e gjashtë edhe pse ai nuk ka ardhur akoma në jetë dhe i duhen dy muaj për të lindur.
Familja Nuredini kanë pesë fëmijë dhe jetojnë në Shkozet të Durrësit.
Në takimin e parë me gazetarët e “Fiks Fare “ Emre dhe Rexhina janë takuar në një lokal në hyrje të Durrësit. Në prani edhe të bashkëshortes Emre ka bërë pazar me gazetarët e Fiksit duke i kërkuar 5000 euro për fëmijën e palindur ende. Emre gjithashtu sqaron gjithë procedurën që do ndiqej derisa të lindë fëmija.
“Në momentin që gruaja do lindë ti do jesh në spital i pranishëm dhe gruaja ime do thojë që këtë fëmi ia fal motrës, edhe unë do them që ia fal kunatës dhe pastaj ti bën regjistrimin mbi vete të fëmijës” sqaron Emre.
”Në këto kushte, gazetarët e Fiksit të shtirur si blerës të mundshëm i kërkojnë të dinë edhe mendimin e nënës biologjike që e mban në bark nëse është dakord me shitjen e fëmijës, ajo pohon pa hezituar.
“Në maternitet pasi të lindi ne nuk kemi më punë, gruaja ime as gji nuk do i japi do t’i dilni vetë për zot. Mua do më paguani 5000 euro dhe asnjë fjalë lart e poshtë. Se çfarë bëni ju pastaj është puna juaj bashkë të mos kemi më llafe” shpjegon Emre.
m.b./dita
