Përgjatë ditës së sotme, fermerët në të gjithë vendin u janë drejtuar zyrave rajonale të bujqësisë, për të marrë kartën e naftës falas për punimet e mekanizuara në bujqësi. Dhënia e naftës falas, është pjesë e skemës kombëtare 2023 të mbështetjes në bujqësi.
Sipas përcaktimeve të bëra më herët, në fillim të skemës së disbursimit të naftës është blegtoria, serat, prodhimi organik, ndërtimi i tregjeve të reja, bletaria, etj.
Skema e mbështetjes për naftë falas, vijon për të tretin vit radhazi me një buxhet prej 1.4 miliardë lekë.
Skema e mbështetjes me naftë ndihmon drejtpërdrejt fermerët dhe makineritë e tyre bujqësore, prodhimin vendas, punimin e tokës dhe kultivimin e bimëve në serra, drufrutorët. Qëllimi i kësaj mase është ulja e kostove për fermerët dhe rritja e rendimentit të prodhimit.
Sipas AZHBR-së, interesi i fermerëve për të përfituar nga Skema Kombëtare është tejet i lartë dhe kjo falë mbështetjes financiare për këtë sektor, që ka qenë çdo vit në dispozicion të tyre.
Fondi total i Skemës Kombëtare të Mbështetjes në bujqësi që do të shpërndahet gjatë këtij viti është 3.3 miliardë lekë dhe do të financohen në total 9 masa.
p.k\dita
