Dy të rinj janë shpallur në kërkim, pasi gjatë një konflikti me një bashkëmoshatar, kanë qëlluar me armë mbi makinën e këtij të fundit dhe janë larguar. Ngjarja e ndodhur në Çorovodë të Skraparit, teksa dyshohet të jetë nxitur nga fërkimi midis dy mjeteve në aksident, që kanë pasur në drejtim adoleshentët. Anxhelo Gërmenji dhe Faredin Çela kanë qëlluar me armë zjarri në drejtim të automjetit të Igli Dostit, i cili në momentin e sulmit, ishte jashtë automjetit. Nga të shtënat nuk ka asnjë shtetas të lënduar, ndërsa dy të rinjtë e shpallur në kërkim, janë larguar menjëherë nga vendi i ngjarjes dhe kur kanë konstatuar se po ndiqen nga policia, janë nisur në drejtim të një zone të pyllëzuar. Mësohet se janë shoqëruar disa të rinj që kanë pasur dijeni për sherrin, ndërsa uniformat blu po vijojnë kërkimet në zonën përreth, me qëllim kapjen e tyre.
Skrapar/ Fërkimi i makinave në rrugë përfundon me krisma armësh, 2 adoleshentët fshihen në pyll
