Kryeministri dhe kryetari i PS Edi Rama mblodhi sërish Asamblenë ku kërkoi anëtarësime të reja.
Vetë kryetari i PS-së, njëkohësisht kryeministri Edi Rama dhe drejtuesit e qarqeve ishin fizikisht në seli ndërsa anëtarët e saj i ndoqën punimet online.
Në përfundim të saj kryeministri Edi Rama tha se në të gjitha qarqet do të ketë takime të veçanta ku ai vetë do të marrë pjesë.
“Skuadra e motivuar, Nuk kemi asnjë problem serioz’ – tha Rama.
Në fokus të mbledhjes me dyer të mbyllura ka qenë organizimi i partisë. Rama ka kërkuar një cens real të anëtarësisë së socialistëve për të ndarë pjesën aktive nga ajo joaktive.
“Kemi konstatuar që ka probleme organizative në përbërjen e strukturave por edhe në regjistrin e Partisë. Të bëhet cens i të gjithë anëtarëve të PS, të ndahet pjesa joaktive” mësohet të ketë kërkuar Rama.
Ai ka qenë edhe konkret në porositë. Nga drejtuesit e qarqeve ka kërkuar të dokumentojnë punën që po bëhet nga çdo organizatë si dhe ripërtëritje të çdo qelize, ndërsa më 15 mars-15 prill do të mbahen dhe zgjedhjet për kryetarët e degëve
“Asambleja dhe drejtuesit e qarqeve të punojnë për të rritur me 4 anëtarë çdo organizatë. Punoni sikur në 15 mars të ishin zgjedhje të përgjithshme. Strukturat të jenë aty për njerëzit, inventar për çdo familje, problematikat që kanë” mësohet t’u ketë thënë drejtuesve Rama.
Kjo mbledhjen me dyer të mbyllura me drejtuesit e qarqeve dhe anëtarët e Asamblesë është e dyta në pak javë, pas asaj të 11 shkurtit ku u bë një analizë e strukturave socialiste në qarqe.
Asambleja e radhës do të mblidhet më 16 mars në një takim në qytetin e Durrësit.
Porositë e Ramës
1.Regjistri i partisë me update deri 15 Mars
2.Të mos kemi anëtarë një përdorimsh
3.Ti jepet fund dyerve të mbyllur të partisë për t’i hapur rrugë anëtarësimeve të reja.
4.Krijim i grupeve aktive në wats app për çdo organizatë partie në bazë.
5.Nevoja për kryetar të rinj partie në organizata.
Dita
