Nëse zgjedhjet vendore do të ishin nesër, qytetarët e Tiranës do të zgjidhnin Erion Veliajn kryebashkiak. Sondazhi i publikuar në TCH mbrëmjen e së enjtes, tregoi se të pyetur kë do të votonin për kryetar bashkie në Tiranë, 53.8% e qytetarëve të Tiranës thanë se do tja jepnin votën Erion Veliajt, kurse 32.9% Belind Këlliçin.
Sondazhi tregoi gjithashtu se 2.8% e qytetarëve nuk e njohin kandidatin e koalicionit “Bashkë Fitojmë” për Tiranën, Belind Këlliçi. Të pyetur sesa besim kanë te kandidati Këlliçi, 47.6% janë përgjigjur “pak”, 17.3% “aspak”, 12.7% shumë dhe 22.4% “shumë”.
Një tjetër temë e sondazhit, ishte dhe pjesëmarrja në zgjedhjet vendore të 14 majit, ku 57.9% e qytetarëve të Tiranës janë shprehur se do të votojnë. Referuar sondazhit, kur janë pyetur “A mendoni se do të merrni pjesë në zgjedhje“, 16.5% e tyre janë të sigurt që do të marrin pjesë dhe 41% janë përgjigjur “Ndoshta po”.
19.7% nuk do të marrin pjesë në zgjedhje, ndërsa 22.4% e tyre janë përgjigjur “Ndoshta jo”. Ky është sondazhi i parë i realizuar, ku janë intervistuar 1017 qytetarë të bashkisë Tiranë mbi 18 vjeç në një periudhë kohore 20-25 mars. Marzhi i gabimit është 2.2%, ndërsa intervistat janë realizuar përmes telefonatave me skype apo telefon.
m.b./dita
