Ditën e sotme do të mblidhet Kuvendi për të zhvilluar seancë plenare, ku do të votohen disa projektligje.
Në rend dite është parashikuar gjithashtu edhe raportimi vjetor i Komisionit Qendror të Zgjedhjeve, të Autoritetit për Informimin mbi Dokumentet e Ish-Sigurimit të Shtetit si dhe ILD.
Sot do kalohet për votim dekreti i presidentit Begaj që shkarkoi nga detyra Bledi Çuçin dhe emëron si ministër të Brendshëm Taulant Ballën, porpozime të bëra nga kryeministri Edi Rama.
Ndërkohë, para nisjes së seancës, grupi parlamentar i Partisë Demokratike i ka bërë kërkesë kryeparlamentares Lindita Nikolla që të ndryshojë rendin e ditës, duke kërkuar që të futet në rend dite kërkesa e SPAK për arrestimin e ish-zv/kryeministrit Arben Ahmetaj.
Në shkresën që mban firmën e Gazment Bardhit kërkohet që të futet në rend dite kërkesa e SPAK.
“Duke shpresuar se nuk do të bëheni pengesë për organet e drejtësisë dhe do të përmbushni detyrimin tuaj sipas Kushtetutës dhe Rregullores”, thuhet në letër.
j.l./ dita
