Sot mblidhet Kuvendi i Shqipërisë.
Në rendin e ditës së seancës me 15 pika është shënuar se sot deputetja e Partisë Demokratike, Ina Zhupa do të ketë një interpelancë me Ministren e Kulturës Elva Margariti.
Gjithashtu do të diskutohet raporti për bletarinë dhe kodin rrugor të Republikës së Shqipërisë.
Sot pritet që të ratifikohet dhe marrëveshja ndërmjet Këshillit të Ministrave të Republikës së Shqipërisë dhe Qeverisë së Maqedonisë së Veriut, për krijimin e task-forcave të përbashkëta në fushën e sigurisë si dhe për delegimin e shërbimeve të trafikut ajror në një pjesë të hapësirës ajrore mbi liqenin e Ohrit.
Në pikën e nëntë të rendit, thuhet se do të diskutohet projektvendimi “Për zgjedhjen e një anëtari të Bordit të Autoritetit të Mbikëqyrjes Financiare”.
Pika të tjera janë: Projektvendim “Mbi disa shtesa në vendimin e Kuvendit nr. 11/2011 “Për miratimin e strukturës dhe kategorizimit të pozicioneve të punës të Institutit të Studimeve për Krimet dhe Pasojat e Komunizmit në Shqipëri “; Projektvendim” Mbi disa shtesa dhe ndryshime në Vendimin e Kuvendit nr. 95/2016” Për miratimin e strukturës, organikës dhe klasifikimin e pagave të Autoritetit për Informimin mbi Dokumentet e ish-Sigurimit të Shtetit”; Për një ndryshim në vendimin nr. 69/2021 “Për caktimin e anëtarësisë së Komisioneve të Përhershme të Kuvendit” i ndryshuar.
j.l./ dita
