Seanca gjyqësore për ish-kryeministrin Sali Berisha është shtyrë për t’u zhvilluar sot, ora 14:30, pasi mbrojtja kërkoi kohë të njihen me aktet.
Ndërkohë, po sot në orën 12:00 është njoftuar mbledhja e Kryesisë së PD-së, ku thuhet se kryedemokrati Sali Berisha do të diskutojë për zhvillimet e fundit politike.
Pas Kryesisë, Berisha pritet të mbledhë ditën e premte Këshillin Kombëtar me qëllim diskutimin për situatën politike në vend dhe hapat që do të ndërmerren në vijim.
Më herët, Berisha paralajmëroi se po shqyrtohet edhe mundësia e rikthimit te protestat.
Ai tha se gjithçka është mbi tryezë ndërsa “Rama dhe skapistët po bëjnë gjyqin e reformave të suksesshme të PD”.
Avokatët e ish-kryeministrit paditën gjyqtaren Irena Gjoka dhe kërkua përjashtimin e saj me pretendimin se ka shkelur kushtetutën duke nxjerrë një masë sigurie pa pyetur Kuvendin. Por sipas gjykatës, një kërkesë e tillë ende nuk është regjistruar.
Ndërkohë, këto zhvillime ndodhin kur sot do të zhvillohet edhe gjyqi për çështjen e privatizimit të ish-kompleksit ‘Partizani’, mirëpo duket se edhe sot Berisha nuk do marrë pjesë.
j.l./ dita
