Prokuroria e Posaçme i ka dhënë leje kreut të Partisë së Lirisë, Ilir Meta që të zhvillojë një intervistë për A2CNN brenda ambienteve të qelisë në burgun “Jordan Misja” në Tiranë.
Aprovimin për kërkesën e intervistën, e kanë dhënë dy prokurorët e çështjes, Sotir Kllapi dhe Arben Kraja, të cilët kanë dhënë leje që Meta të japë intervistë mediatike brenda qelisë në Burgun “313”.
Kjo shkresë i ka kaluar Drejtorisë së Burgjeve, e cila se nuk e ka aprovuar me argumentin se realizimi i intervistës kërkon masa të veçanta shoqërimi, izolimi dhe monitorimit dhe burgut “313” do t’i duheshin të angazhonte burime njerëzore dhe logjistike shtesë.
“Sipas informacionit të përcjellë nga ky institucion, nga analiza e kryer rezulton se realizimi intervistës kërkon masa të veçanta shoqërimi, izolimi dhe monitorimi, të cilat, në kushtet aktuale në të cilat ndodhet institucioni, do angazhonin burime njerëzore dhe logjistike shtese, duke krijuar vështirësi në garantimin e rendit të zakonshëm dhe funksionimin normal të shërbimeve të sigurisë, për shkak të dinamikës aktuale, ngarkesës dhe pamjaftueshmërisë së ambienteve në regjimin e brendshëm”, thuhet në shkesën e Burgjeve.
Ndërsa më pas, Drejtoria e Burgjeve thekson ë reagimin e saj për televizionin, se prioritet mbetet siguria institucionale dhe funksionimi normal i shërbimeve, duke konkluduar se intervista “nuk është e mundur”.
“Aktualisht, institucioni ndodhet në kushte mbipopullimi të të paraburgosurve, ndërkohë që janë evidentuar mungesa në organikën e stafit policor, duke sjellë vështirësi në ruajtjen e parametrave të sigurisë. IEVP “Jordan Misja” akomodon gjithashtu një numër të komsiderueshëm të burgosurish nga institucione të tjera, të vendosur në regjim tranzitor, në pritje të seancave gjyqësore, të cilës kërkojnë angazhim shtesë të stafit policor dhe infrastrukturë për akomodimin dhe kryerjen e veprimeve të ndara nga të paraburgosurit rezidentë: Sipas institucionit, prioritet mbetet garantimi i sigurisë institucionale, ruajtja e rendit të brendshëm dhe mbarëvajtja e veprimtarisë së shërbimit të sigurisë dhe e dinamikës ditore”, thuhet në shkresë.
j.l./ dita
