Një portal periferik ka publikuar sot në orët e para të mëngjesit që GJKKO ka marrë masë detyrim paraqitje për kryebashkiakun e Tiranës dhe i ka bllokuar atij pasaportën.
Lajmi është rimarrë nga media që njihen për sulmet e përditshme ndaj Bashkisë së Tiranës.
DITA iu drejtua zyrtarisht Prokurorisë së Posaçme dhe GJKKO-së nëse një masë e tillë ekziston.
Përgjigja zyrtare është që nuk ka “asnjë masë” ndaj kryebashkiakut Veliaj dhe se bëhet fjalë për lajme fake.
SPAK ka përsëritur si edhe herë të tjera apelin për mediat për të respektuar kufizimet që njeh ligji për shpifjen dhe përhapjen e saj.
Organizata të medias duhet të ndikojnë gjithashtu që portale apo media të tjera online duhet të respektojnë kodin e etikës dhe të identifikojnë veten dhe burimet zyrtare për informacionet që përhapin.
n.d. / dita
