Qarku i Shkodrës do të prezantohet në zgjedhjet vendore të 14 majit me 5 emra kandidatë socialist për 5 bashkitë e këtij qarku. Drejtuesja socialiste e qarkut Shkodër, Elisa Spiropali, pas përfundimit të mbledhjes së Kryesisë së PS, u shpreh para medias se me emrat e përzgjedhur, Shkodra do të ketë alternativat më të mira.
“Do të bëjmë gjithçka për të bërë atë që ende nuk është bërë, jo për dëshirën tonë por për politkikën e vjetër të bastioneve. Kemi besim se kandidatura e Benet Becit shkon përtej PS-së. Në Malësinë e Madhe, Tonin Marinaj, kryetari aktual që ka bërë një punë shumë të mirë që e ka kthyer zonën në qendër turistike.
Në Pukë, kryetari aktual, Gjon Gjonaj, jashtëzakonisht punëtor, i ka dhënë provat në bashkinë e Pukës dhe ka bërë atë që nuk është bërë shumë vite më parë. Në Vaun e Dejës, Kristian Shkreli, zv kryetari i bashkisë, një djalë më shumë potencial në zonë. Në Fushë Arrëz, kandidon Frank Tuci, kryetari aktual”, tha Spiropali.
m.b./dita
