“Rithemelimi” i PD-së, i drejtuar nga Sali Berisha, do të hyjë në zgjedhjet vendore të 14 majit 2023, me koalicion partish te vogla.
Ky është vendimi që mori të dielën në mbremje Këshilli Kombëtar i “Rithemelimit”, pas disa debateve nëse do të ishte më mirë që në zgjedhje të hyhej me koalicion, apo që kandidatët e “Rithemelimit” të hynin si të pavarur, nëpërmjet mbledhjes së 1000 firmave që duhen minimalisht për t’u regjistruar në KQZ.
Në bazë të Kodit Zgjedhor, partitë politike në zgjedhet vendore regjistrohen 70 ditë përpara datës së zhvillimit të zgjedhjeve. Mësohet se gjatë bisedimeve të nesërme edhe me subjekte të tjera politike, do të tentohet që ky koalcion të zgjerohet.
m.b./dita
