Ministrja për Evropën dhe Punët e Jashtme, Olta Xhaçka, është nisur sot drejt Shteteve të Bashkuara të Amerikës, ku së bashku me Përfaqësuesen e Përhershme të SHBA në Kombet e Bashkuara, Linda Thomas-Greenfield, do të drejtojë takimin informal të Këshillit të Sigurimit.
Takimi, i cili do të mbahet më datë 25 maj, titullohet “Përgjegjësia dhe reagimi i shteteve ndaj sulmeve kibernetike” dhe synon të fokusohet tek rëndësia e trajtimit të sigurisë kibernetike, si një çështje kyçe në përgjegjësinë e Këshillit të Sigurimit për ruajtjen e paqes dhe sigurisë ndërkombëtare.
Ministrja Xhaçka do të mbajë edhe fjalën e saj në emër të Shqipërisë, ndërsa po ashtu në këtë takim do të flasë edhe shqiptarja e njohur, Mira Murati, Shefe e Teknologjisë së kompanisë OpenAI në SHBA.
Të pranishëm do të jenë edhe Bernardo Mariano, Shefi i OKB-së për Teknologjinë e Informacionit dhe Kemba Eneas Walden, Drejtoresha Kombëtare e Kibernetikës në SHBA.
p.k\dita
