Sulmi i Hamasit ndaj Izraelit nuk ka qenë krejt befasi. Michael McCaul, kryetari i komitetit të punëve të jashtme të Dhomës së Përfaqësuesve, thotë se Egjipti e kishte paralajmëruar Izraelin për një sulm të mundshëm nga Gaza tre ditë përpara se ai të ndërmerrej. Informacioni i siguruar nga inteligjenca amerikane u referua gjatë një takimi me anëtarë të lartë të Kongresit.
“Ne e dimë se Egjipti i ka paralajmëruar izraelitët tre ditë më parë se një ngjarje si kjo mund të ndodhë,” u tha gazetarëve republikani McCaul. Nuk dua të futem shumë në detaje të klasifikuara, por u dha një paralajmërim. Mendoj se pyetja ishte në çfarë niveli.
Izraeli u zu në befasi nga sulmi i papritur të shtunën e 7 tetorit, kur më shumë se 1 500 luftëtarë të Hamasit thyen gardhin kufitar të Gazës në disa pika, duke vrarë mbi 1 200 civilë izraelitë në një festival muzikor dhe vende të tjera pranë kufirit. U deshën disa orë para se ushtria izraelite të ishte në gjendje të kundërpërgjigjej.
Në fillim të kësaj jave, kryeministri i vendit, Benjamin Netanyahu, mohoi se Izraeli kishte marrë ndonjë paralajmërim paraprak nga Kajro, kur u shfaqën raportet për herë të parë se një alarm ishte transmetuar nga shërbimet e inteligjencës së vendit. /Respublica
p.c. / dita
