Endrik, sido që të jetë, dëshiron të luajë në Kupën e Botës 2026 me Brazilin. Dhe për ta bërë këtë, ai e di se është thelbësore të luajë rregullisht për klubin e tij, aq më tepër duke pasur parasysh ardhjen e Karlo Ançelotit si trajner i Brazilit.
Ky skenar paralajmëron largimin e ish-lojtarit të Palmeiras këtë verë, veçanërisht duke pasur parasysh paraqitjen e Gonzalo Garsias në Kupën e Botës për Klube (gjashtë ndeshje si titullar, katër gola dhe një asist për lojtarin e akademisë së të rinjve në Shtetet e Bashkuara). Megjithatë, situata tregon se Endrik nuk do të largohet nga Real i Madridit këtë verë.
Sipas një raporti të kësaj të diele nga gazeta “AS”, dëshira e sulmuesit brazilian është të qëndrojë në “Santiago Bernabeu”. Ai është i vendosur të arrijë suksesin me madrilenët dhe nuk po e mendon largimin. “Është në klubin më të madh dhe më të rëndësishëm në Botë”, shpjegojnë burime pranë tij, për gazetën madrilene. Dhe ky është argumenti kryesor i brazilianit për refuzimin e një huazimi të mundshëm.
REAL MADRID NUK E PËRJASHTON LARGIMIN E TIJ
Nga ana tjetër, “AS” raporton se Real Madridi nuk do të ishte kundër një huazimi të Endrik këtë verë. Klubi ka frikë se, nëse braziliani dhe Gonzalo janë në skuadër së bashku sezonin e ardhshëm, njëri prej tyre (ose edhe të dy) do të ngadalësojnë përparimin e tyre. Por kjo nuk duket se po e frikëson ish-lojtarin e Palmeiras, i cili është i bindur se dëshiron të qëndrojë në “Concha Espina” dhe të fitojë një vend në planet e Ksabi Alonsos. Ai do të fillojë në disavantazh, pasi është i dëmtuar që nga fundi i sezonit të kaluar dhe ka pësuar një lëndim muskulor ditët e fundit.
