Prokuroria e Posaçme Kundër Korrupsionit dhe Krimit të Organizuar (SPAK) ka pranuar kërkesën e deputetit të Partisë Demokratike Gazment Bardhi, për të hapur hetime mbi çështjen McGonigal në Shqipëri.
Pas depozimit të kërkesës nga ana e Bardhit, SPAK është vënë në lëvizje dhe ka kërkuar që deputeti i Partisë Demokratike t’u vërë në dispozicion “materialet fillestare që disponohen prej tij”.
Dorëzimi duhet bërë brenda datës 2 shkurt.
Ky është reagimi i parë që vjen nga SPAK, kur është bërë një javë nga publikimi i dosjes, ku thuhet se i hetuari në SHBA ka zhvilluar takime edhe me kryeministrin shqiptar Edi Rama.
Rama mohon të ketë lidhje me akuzat e ngritura për McGonigal.
j.l./ dita
