Komisioni Kombëtar Kundër Dhunës do të mblidhet të hënën, më 17 prill, për të shqyrtuar sulmin e Fede Valverde ndaj Alex Baena, në rast se Policia Kombëtare do të përcjellë ankesën e paraqitur nga lojtari i Villarrealit, që thuhet se ka bërë denoncim pas incidentit në parkingun e “Santiago bernabeu”, pas ndeshjes me Real Madrid, e fituar nga miqtë e ‘nendetëses’ së verdhë. Do të vlerësohet pjesa mjekësore e dëmtimit dhe vetë ankesa. Një mjek do të duhet të vërtetojë shkallën e dëmtimit të pësuar në mollëzën e majtë nga grushti që lojtari i Real Madridit i dha atij. Ankesa do të kalonte në procedim penal, por e gjitha mund të përfundonte me një sanksion ekonomik nëse konsiderohet një dëmtim i lehtë. Nëse Baena kishte nevojë për ndonjë trajtim apo edhe operacion për goditjen, do të ishte një dëmtim serioz.
Në aspektin sportiv, është më e ndërlikuar të sanksionosh Valverde. Komiteti i Konkurrencës i Federatës nuk ka hyrë në këtë çështje pasi ‘lufta’ nuk figuron në procesverbalin e arbitrazhit. Por, nëse Antidhuna e merr denoncimin në polici, duhet të hyjë sipas detyrës zyrtare.
Në këtë skenar hipotetik do të kishte dy opsione: referimi i çështjes në Federatë në mënyrë që Gara të vendosë për Valverden (sanksion prej dy ose katër duelesh) ose të zbatohet dënimi i përcaktuar nga Ligji i Sporteve, që do të ishte një sanksion shumë më i rëndë; Nga një deri në gjashtë muaj ndalim për të hyrë në mjedise sportive.
Do të thotë, të paktën, ai do të ishte jashtë fushës për një muaj, ose maksimalishtt ë humbasë të gjithë sezonin. Lojtarët u konfrontuan në fusha në disa sprinte për topin, teksa u raportua se Baena e ka mallkuar uruguajanin nga fëmija i sapolindur, duke i thënë “Qaj, se fëmija yt s’do lindë!”, teksa partnerja e Valverdes bëhet me dije se është shtatzënë. Por kjo u mohua nga Baena, që tha se këtë anatemë s’e kishte artikuluar kurrë, as gjatë dhe as pas ndeshjes.
