Nëse doni të bëheni milioneri i radhës në Telebingo Shqiptare, nxitoni të blini biletën tuaj të fatit për shorteun special të “ 1 Majit”. Prej ditësh, në të gjitha pikat e shitjes së biletave telebingo, krahas biletës normale të fundjavës, gjendet edhe bileta për shorteun special që do të hidhet në datën 30 prill.
Me blerjen e një bilete që kushton vetëm 250 lekë, në këtë shorte special do të mund të fitoni bingon milionere mbi 30 milionë lekë të vjetra, 3 Rroga Telebingo, çmimin “Super Peta”, me të cilin do të mund të arrini deri në 15 milionë lekë të vjetra. Në këtë shorte do të fitohen edhe “100 sekonda në Spar”, shumë dhurata speciale, teksa zarfet do të fillojnë nga shuma 30,000 lekë. Edhe 10 çmimet e Rrotës së Fatit bëhen 30,000 lekë.
Fituesit e ditës së djeshme
Me mijëra fitues i janë bashkuar edhe gjatë ditës së djeshme lojës më popullore të fatit në vend, Telebingo Shqiptare. Në shorteun e ditës së djeshme kanë qenë të shumtë fituesit e lojës telefonike që kanë tentuar të gjurmojnë zarfet me çmimet e preferuara, që janë: 3 “Rroga Telebingo”, apo çmimin e “Super Peta”.
Përzgjedhja rastësore e kontrabiletave ka shpallur Olidianin në qytetin e Elbasanit si fituesin e parë të lojës telefonike me çmimet dhe dhuratat e fshehura në zarfe, ku dhe ka siguruar 70,000 lekë. Atsriti në Laç ishte fituesi i radhës që ka siguruar shumën prej 125,000 lekësh. Një tjetër fitues i është gëzuar në lojën telefonike shumës prej 90,000 lekësh.
Loja është zhvendosur më pas në qytetin e Shkodrës, duke shpallur Sadikun si fitues të 35,000 lekëve, teksa do të luajë edhe në lojën e “100 sekondave në Spar”, kohë në të cilën do të mund të marrë të gjitha produktet e tij më të preferuara. Luiza në Korçë ka fituar në lojën telefonike 55,000 lekë. Lojën e ka vijuar më tej Monda në Lushnje e cila me mbajtjen e zarfeve më të prefreuara ka fituar shumën prej 60,000 lekësh. Sadiku në Lushnje ishte fituesi i fundit i lojës telefonike që ka fituar shumën prej 65,000 lekësh.
Dhjetëra fitues të tjerë i janë bashkuar Telebingos dhe në vijim me lojën e “Rrotës së Fatit”, ku dje janë fituar mbi 4.3 milionë lekë të vjetra. Në këtë lojë kanë luajtur 10 fituesit e shorteut të datës 9 prill. Konkretisht nga kjo lojë, Florina ka marrë shumën prej 26,000 lekësh, Stefano 36,000 lekë, Klea 30,000 lekë, Asia 27,000 lekë, Erioni 105,000 lekë, Frank 23,000 lekë, Ina 26,000 lekë, Drita 30,000 lekë, Flora 27,000 lekë, si dhe Perlati 100,000 lekë. Gjithashtu, janë përzgjedhur edhe 10 fitues të tjerë të çmimit tradicional prej 20,000 lekësh, të cilët do të luajnë sërish në shortin e datës 23 prill për të fituar dy çmimet e mëdha prej 100,000 lekësh, si dhe shumat e tjera surprizë të “Rrotës së Fatit”.
Lista e fituesve është zgjeruar edhe më shumë me hedhjen e shortit të goglave për çmimin e madh të javës që lamë pas, i cili ka mbërritur në shifrën e 1,106,500 lekë. Seria e numrave të përzgjedhur e ka ndarë çmimin e madh ndërmjet katër fituesve në Fier, Tiranë, Kamëz dhe Elbasan. Secili prej këtyre fituesve do të marrë shumën prej 276,625 lekësh. Nga shorti i goglave janë përzgjedhur si fitues të serisë me një linjë 22753 lojtarë, ku secili prej tyre siguron nga kompania e Telebingos shumën prej 50 lekësh, ndërsa fitues të serisë me dy linja janë shpallur 602 lojtarë të tjerë, ku secili prej tyre siguron 610 lekë. Fitues të një bilete janë edhe të gjithë ata lojtarë që kanë numrin 2 të përcaktuar si numër fati në biletën e tyre.
Afro 10 milionë lekë të vjetra është çeku që ka marrë fituesi i çmimit të madh të shorteut të datës 9 prill, Mit’hat Kuka nga Burreli. Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
