Një tërmeti i fortë ndodhi këtë mëngjes dhe i nxori banorët e Janinës dhe Thesprotisë në rrugë.
Protothema shkruan se guvernatori rajonal i Epirit tha në një postim se ka disa rrëzime të vogla shkëmbinjsh në Autostradën Egnatia, në pjesën drejt Igumenicës.
Tërmeti u ndje në Korfuz, Lefkada, në të gjitha zonat e Epirit si dhe në disa zona në Jug të vendit tonë. Efthimis Lekkas foli për ERTnews, duke theksuar thellësinë e vogël fokale të tërmetit dhe iu referua dridhjeve të njëpasnjëshme prej 4.7 dhe 3.4 të shkallës Rihter.
“Është e këshillueshme që të mos përdoren shtëpitë që kanë pësuar dëme edhe minimale para se të kontrollohen“, theksoi Lekkas.
Lëkundjet pasuese janë të vazhdueshme dhe deri më tani nuk janë raportuar probleme, tha Guvernatori Rajonal i Epirit, Alexandros Kahrimanis, duke përshkruar një tërmet shumë të fortë në Bashkinë e Zicës.
“Njerëzit kanë dalë jashtë, janë të frikësuar dhe, siç ndodh me tërmetet mbi 5 të shkallës Rihter, pati ndërprerje të energjisë elektrike”, tha për ERTnews Efthimios Chrysostomou, nënkryetar i bashkisë për Mbrojtjen Civile të Bashkisë së Janinës.
j.l./ dita
