Sherri mes dy grupeve në lokal, përfundon në përleshje masive me thika, gota, shishe e karrige. Një konflikt mes disa të rinjve ndodhi orët e para të ditës së sotme në Tiranë. Policia njoftoi se ata kanë debatuar për motive të dobëta dhe goditën njëri-tjetrin me mjete prerëse, si dhe kanë dëmtuar tavolinat e lokalit. Për këtë është vënë në pranga 28-vjecari i identifikuar si R.H., si dhe është vënë nën hetim 42-vjeçari i identifikuar si B.S. Këta të dy, në bashkëpunim me njëri-tjetrin, dyshohet se goditën me mjete prerëse dy të rinjtë K. S., 27 vjeç dhe K. S., 31 vjeç. Gjithashtu, shtetasi B. S., ka dëmtuar tavolinat e lokalit ku ndodhi konflikti. Policia bën me dije se vijon hetimet për zbardhjen e plotë të ngjarjes dhe shkakun e vërtetë të përleshjes.
Kerko
