Duke nisur nga data 1 qershor, anëtarët e Asamblesë së Akademisë së Shkencave do të përfitojnë një shpërblim mujor të përhershëm për titujt akademik që zotërojnë.
Vendimi tashmë është zbardhur ne Fletoren Zyrtare të Qeverisë, dhe përcakton se për titullin “Akademik”, shpërblimi i përhershëm mujor do të jetë në masën 100, 000 lekë, për titullin “Akademik i asociuar”, do të jetë në masën 70, 000 lekë, si edhe nëse marrin statusin e anëtarit “Emeritus”.
Dhënia e shpërblimit kryhet nga Akademia e Shkencave dhe përballohet nga buxheti vjetor, i miratuar për këtë institucion. Akademisë së Shkencave në buxhetin e miratuar për vitin 2023, i shtohet fondi prej 15 900 000 lekësh, i cili përballohet nga fondi i kontingjencës, i buxhetit të vitit 2023.
p.k\dita
