Një 21-vjeçar i identifikuar si Skenard Lipo, është ndaluar nga policia si i dyshuar në veprimtari kriminale në 4 raste, ku ka tentuar të ndihmojë dhjetëra shtetas të huaj, nga vendet e treta, për të kaluar kufirin, me destinacion ato të BE-së. I ndaluari ishte pjesëtar i një grupi që ushtronte veprimtarinë kriminale të dhënies ndihmë emigrantëve, kundrejt pagesës, për kalim të paligjshëm të kufirit. Gjykata e Shkallës së Parë Korçë i ka caktuar 21-vjeçarit, masën e sigurisë “arrest në burg në mungesë”, për veprën penale “ndihma për kalim të paligjshëm të kufijve”, kryer në bashkëpunim. Nga tërësia e veprimeve rezulton se Skendar Lipo, në bashkëpunim me të tjerë (të arrestuar e proceduar gjatë episodeve të operacionit “Perimetri” gjatë vitit 2022), në 4 raste gjatë vitit të kaluar, ka tentuar për të ndihmuar klandestinët.
Trafikoi dhjetëra klandestinë gjatë vitit 2022, kapet në arrati anëtari i grupit kriminal
