Katër të rinj nga Kosova janë arrestuar nga policia në Korçë, teksa po transportonin 5 emigrantë të paligjshëm kundrejt pagesës. Të ndaluarit janë: Arsim Pllana, 27 vjeç; Elena Sedreni, 22 vjeçe; Urim Krasniqi, 27 vjeç; Arianit Selimi, 26 vjeç, banues në Prishtinë, Kosovë. Të dyshuarit u kapën në aksin rrugor “Maliq-Gramsh”, pranë vendit të quajtur “Tyrbja e Gocës”, Maliq, ku po lëviznin me tre automjete tip “Volksëagen”, “Audi Q7” dhe “Audi A8”.
Në bashkëpunim me njëri-tjetrin, do të transportonin kundrejt pagesës, për të kaluar kufirin drejt Kosovës dhe më pas drejt vendeve të BE-së, 5 emigrantë të paligjshëm. Në cilësinë e provës materiale u sekuestruan 3 automjetet, 4 aparate celulare, shuma monetare të valutave të ndryshme. “Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të. Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme”, thuhet në njoftimin zyrtar.
