Një 22-vjeçar shqiptar është vrarë me thikë në jug të Londrës. Bëhet me dije se Lorik Abazi, u gjet i plagosur në një park rreth orës 01:15 të dielën dhe vdiq në spital. Sipas mediave britanike, ngjarja ka ndodhur në Croydon, ndërsa dy vajza 25 vjeçare dhe një djalë 28 vjeç u arrestuan si të dyshuar për ngjarje, ku njëra prej vajza është lënë e lirë me kusht.
BBC raporton gjithashtu se dy të rinjtë të moshës 21 vjeç, u gjetën me plagë të shkaktuara nga mjete prerëse dhe janë arrestuar me dyshimin për përleshje. Njëri ka lëndime që mund të jenë kërcënuese për jetën dhe mbetet në spital, ndërsa tjetri është marrë në paraburgim pasi është liruar nga spitali.
Megjithashtë, nuk dihen ende rrethanat e ngjarjes, ndërsa autoritetet kanë kërkuar ndihmë se kushdo që ka informacion, pamje apo filmime që të ndihmojnë në hetim ti paraqesin ato.
“Ne, prindërit e tij, vëllai, e dashura, gjyshërit dhe familja e miqtë e tij e deshëm shumë. Një dritë është shuar në jetën tonë dhe jemi të shkatërruar, pa fjalë nga humbja e tij. Ju lutemi të respektoni privatësinë në këtë kohë,” tha në një deklaratë, familja.
Ndërsa, Kryeinspektori Nick Blackburn tha: “Mendimet e mia janë me familjen dhe të dashurit e Lorikut, të cilët kanë pësuar një humbje të paimagjinueshme.”
j.l./ dita
