Kryeministri Edi Rama ka ngushëlluar popullin grek pas tragjedisë me përplasjen e dy trenave gjatë natës në Larisa.
Në një postim në Twitter, Rama thotë se “ndjen dhimbjen e fqinjëve” dhe se bashkohet në lutjet për familjet e viktimave.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së fundit në Greqi! Ndjejmë dhimbjen e fqinjëve tanë të dashur në një orë kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”, shkruan Rama.
Reagimi vjen disa orë pas ngjarjes së rëndë që ndodhi pak para mesnate në Greqi.
Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 36 personave. Një tren me 350 që po udhëtonte nga Athina drejt Selanikut u përplas me një tren mallrash.
So sad to hear about the loss of lives and the many wounded people on the last night tragic accident in Greece! We feel the pain of our dear neighbours in such a heavy hour for their nation and join them in their prayers and in the condolences to the families of the victims🇦🇱😥🇬🇷
— Edi Rama (@ediramaal) March 1, 2023
j.l./ dita
