Shumë shpejt edhe në Qendrën Spitalore Universitare “Nënë Tereza” do të mund të realizohet transplanti i organeve, duke nisur fillimisht me atë të veshkave, për të vijuar me të pankreasit, dhe të mëlçisë. Kjo gjë është finalizuar me firmosjen e marrëveshjes tripalëshe mes Universitetit të Mjekësisë Tiranë, Universitetit Tor Vetgata të Romës dhe Universitetit “G. D’Annunzio” të Chieti-Pescara, për bashkëpunimin në fushën e transplantit të organeve.
Ministrja e Shëndetësisë dhe Mbrojtjes Sociale, Ogerta Manastirli, e konsideroi këtë marrëveshje si një hap të rëndësishëm për realizimin e transplanteve në Shqipëri dhe thellimin e bashkëveprimit në fushën e shëndetësisë me shtetin fqinj.
Kjo marrëveshje do të mundësojë shkëmbimet në fushën akademike dhe klinike, me përgatitjen profesionale të kirurgëve shqiptare që do të realizojnë këto ndërhyrje, përgatitjen e protokolleve të duhura në fushën e transplantit të veshkës, mëlçisë dhe pankreasit, formimin dhe fuqizimin e burimeve njerëzore, kërkimit shkencor dhe bashkëpunimit klinik, për të realizuar transplanet e organeve dhe asistencën e nevojshme për hartimin e kuadrit ligjor të nevojshëm për dhurimin”.
Manastirliu informoi se, marrëveshja e bashkëpunimit që u firmos nga prof. Arben Gjata, nga prof. Nathan Levialdi Ghiron, rektor i Universitetit Tor Vergata dhe prof. Sergio Caputi, rektor i Universitetit Chieti-Pescara, do të mundësojë shkëmbimet në fushën akademike dhe klinike, me përgatitjen e protokolleve në fushën e transplantit të veshkës, mëlçisë dhe pankreasit.
Gjithashtu, tha ajo, dhe formimin dhe fuqizimin e burimeve njerëzore, kërkimit shkencor dhe bashkëpunimit klinik, për të realizuar transplanet e organeve dhe asistencën e nevojshme për hartimin e kuadrit ligjor të nevojshëm për dhurimin.
“Kjo marrëveshje do të mundësojë ofrimin e shërbimeve të reja dhe cilësore për qytetarët dhe do të çojë në një nivel të ri bashkëpunimin e shkëlqyer në fushën e mjekësisë me Italinë mike”, u shpreh ministrja Manastirliu.
p.k\dita
